Buǵy tólin aıýdan qutqaryp qaldy
ASTANA. QazAqparat - Amerıkanyń Arızona shtatyndaǵy Flagstaff qalasynyń turǵyny Shennon Sevıll (Shannon Seville) amerıkalyq qara aıýdyń vapıtıǵa (buǵynyń túri) shabýyl jasaǵan vıdeosyn túsirip alǵan.
Bul týraly Haffington Post basylymy jazdy.
Aıý onyń anasy basqa jaqqa qarap turǵan kezde tóline shabýyl jasaǵan. Tóldiń mańyraǵan daýsyna buǵynyń nazary aýady, onyń jaqyndaǵanyn baıqap qalǵan jyrtqysh aǵashqa órmelep ketedi. Al ol taǵy da teris qaraǵan kezde aıý tómen túsip, tólge qaıta umtylady. Bul joly janushyrǵan vapıtı aldyńǵy tuıaqtarymen aıýdy tebedi. Soqqy tıgen jyrtqysh aldy artyna qaramastan tura qashady.
Áıeldiń Facebook-ke jarııalaǵan vıdeosy 2,6 mıllıon ret qaralǵan.
Vapıtı - Soltústik Amerıkada taralǵan buǵynyń túri.
