Túrkııanyń 80-nen asa kınoteatrynda qazaq kınosy kórsetiledi

ASTANA. KAZINFORM — Stambulda qazaqstandyq «Pochtı Macho» komedııasynyń túrkııalyq aqparat quraldary ókilderine arnalǵan jabyq kórsetilimi ótti. Al búginnen bastap fılm Túrkııanyń 80-nen asa kınoteatrynda kópshilik kórermenge usynylady. Bul týraly qazaqstan.tv jazdy.

Buǵan deıin qazaq kınolarynan túrik tiline tek tarıhı fılmder aýdarylǵan, al jastarǵa arnalǵan komedııa janryndaǵy fılm alǵash ret kórsetilip otyr. Kórsetilimge jınalǵandar fılmge joǵary baǵa berdi. Kartınada anasy az ýaqytta úılendirgisi keletin Damır atty jas jigittiń basynan ótken qyzyqty oqıǵalar sátti órilgen.

Neǵurlym basqa mádenıetti jáne kınosyn tanysaq soǵurlym bir qadam aldyda júremiz dep oılamyn. Biz tek qana Túrkııa naryǵyna emes búkil álemge qazaq kınosyn tanytamyz degen josparymyz bar. Jaqynda Qazaqstan Amerıka soprodýktsııa fılmge daıyndyq júrip jatyr. Ol jerde Gollıvýdtyń tanymal akterlary jáne Anglııanyń, Túrkııanyń tanymal akterlary oınaıdy, - deıdi Nadıra Ahonova, Fılmniń Túrkııadaǵy prodıýseri.