Búginnen bastap «Oral – Mańǵystaý» jolaýshylar poıyzy qatynaı bastady
Búgin jańa baǵyttaǵy jolaýshylar poıyzy Mańǵystaý vokzalyna keldi, dep habarlaıdy Kazinform.
Poıyz quramynda 8 vagon bar. Poıyz Mańǵystaýdan Oralǵa aıdyń jup kúnderinde júredi. Mańǵystaý stantsııasyna poıyz Astana ýaqyty boıynsha 14:49-da kelip, jergilikti ýaqyt boıynsha 21:05-te ketedi. Jol júrý ýaqyty -35 saǵat 47 mınýt. Bılet quny 8000 teńgeden bastalady.
«Bul – Batys Qazaqstan men Mańǵystaýdy baılanystyratyn poıyz. 8 vagony bar. Vagondar Qytaıda jasalǵan. Buryn ol Aqtóbe arqyly júrdi, al jolaýshylar Aqtóbe-Oral baǵyty boıynsha poıyzǵa otyrýǵa májbúr boldy. Bular tikeleı júredi. Barlyǵy halyq úshin jasalǵan. Ózderińiz biletindeı, jazda jolaýshylar aǵyny artady, bul baǵyt júktemeni sál jeńildetedi. Endi adamdar Oralǵa bir jarym kúnde jete alady. Sonymen qatar múmkindiginshe kóbirek vagondar qosylady», - dedi Mańǵystaý jolaýshylar tasymaly ýchaskesiniń bastyǵy Qalıolla Saǵıev
Jańa marshrýt jolaýshylarǵa yńǵaıly jáne qaýipsiz tasymaldy uıymdastyrmaq.
