Búginnen bastap Qazaqstan arqyly bıdaıdy tranzıttik tasymaldaýǵa resmı túrde ruqsat etildi
3 qarashadan bastap Qazaqstan arqyly bıdaıdy tranzıttik tasymaldaýǵa resmı túrde ruqsat etildi, dep habarlaıdy Kazinform.
Aýyl sharýashylyǵy mınıstrligi baspasóz qyzmetiniń málimetinshe, 2023 jylǵy 25 qyrkúıekte lıtsenzııalanǵan elevatorlardyń, astyq óńdeýshilerdiń jáne qus sharýashylyǵy kásiporyndaryna bıdaı ákelýdi qospaǵanda, úshinshi elderden jáne Eýrazııalyq ekonomıkalyq odaq elderinen temir jol kóligimen Qazaqstan aýmaǵyna bıdaı ákelýge tyıym salynǵan.
Mınıstrlik Qazaqstan aýmaǵy arqyly bıdaıdy temir jol kóligimen tranzıttik tasymaldaýǵa shekteý qoıylmaıtynyn eskertti.
Bul rette, bıdaıdy ákelýge engizilgen tyıym eki jaqty túsindirýdi qajet qylmaý úshin Aýyl sharýashylyǵy mınıstrliginiń 30.10.23 jylǵy № 372 buıryǵymen Qazaqstan aýmaǵy arqyly bıdaıdy tranzıttik tasymaldaýǵa tyıym salmaý bóliginde AShM-niń 2023 jylǵy 25 qyrkúıektegi № 337 buıryǵyna ózgerister engizildi.
