Búginde egemendigimizdi qorǵaýǵa qatysty barlyq másele áli tolyqtaı sheshimin tapqan joq — Prezıdent
ASTANA. KAZINFORM — Birlik pen kelisim bolmasa, eshqandaı reforma jáne ilgerileý bolmaıtyny aıdan anyq. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart Toqaev málim etti.
— Búgin men elimizdiń áleýmettik-ekonomıkalyq jaǵdaıyn jaqsartý jónindegi oılarymmen bólisemin, aldaǵy maqsat-mindetterge toqtalamyn. Ashyǵyn aıtsaq, búginde táýelsizdigimiz ben egemendigimizdi qorǵaýǵa qatysty barlyq másele áli tolyqtaı sheshimin tapqan joq. Bul — aldymyzda kóptegen ózekti mindet tur degen sóz. Jumysty oıdaǵydaı oryndaý úshin, eń aldymen, búkil qoǵamymyz tatý bolýy kerek. Birlik pen kelisim bolmasa, eshqandaı reforma jáne ilgerileý bolmaıtyny aıdan anyq, — dedi Qasym-Jomart Toqaev.
Osy oraıda Prezıdent qazir jahandyq syn-qaterler áldeqaıda qaýipti sıpat alǵan kezde qoǵamymyzda talap pen tártipke basymdyq berýimiz qajet ekenin atap ótti.
Buǵan deıin Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatqanyn jazǵan edik.