Búgin jeti qalada aýa sapasy nasharlaıdy

7 qarasha kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy Kazinform.

«Qazgıdromet» RMK baspasóz qyzmeti taratqan málimetke sensek, 7 qarasha, seısenbi kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Astana, Almaty, Qaraǵandy, Temirtaý, Óskemen, Semeı jáne Rıdder qalalarynda aýa sapasy birshama nasharlaıdy.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.