Búgin Japonııada jazǵy Azııa oıyndarynyń alaýy resmı tutanady
NAGOıA. KAZINFORM – Búgin, 19 qyrkúıekte XX jazǵy Azııa oıyndarynyń alaýy resmı tutanady. Saltanatty ashylý sharasy Japonııanyń Nagoıa qalasy Mıdzýho jeńil atletıka stadıonynda ótedi.
Aldyn ala aqparattarǵa sáıkes, ashylý saltanatynyń jandy qoıylymynda Japonııa jáne Nagoıa qalasynyń tarıhy men mádenıetin, zamanaýı tehnologııalardy, sonymen qatar Azııa sportynyń damý tarıhy kórsetiledi.
Jalpy, ashylý saltanaty baǵdarlamasy yqshamdylyqqa baǵyttalǵan: emotsıonaldy áserge basa nazar aýdarý maqsatynda qoıylymdar, rekvızıtter men sahnalyq qurylymdar meılinshe qarapaıym ári jınaqy etip jasalýda. Sportshylar sherýine keń oryn bólinip, nazardyń ártúrli elder men aımaqtardan kelgen qatysýshylarǵa aýdarylýy qamtamasyz etiledi. Túptep kelgende, tómen kómirtekti turaqtylyq qaǵıdattaryn pash ete otyryp, saltanatty sharanyń árbir bólsheginde únemshildik pen qorshaǵan ortaǵa degen jaýapkershilik kórinis tabady.
Sharaǵa Azııa elderiniń sportshylary men Ulttyq Olımpıadalyq komıtetteriniń ókilderi qatysady dep kútilýde. Negizgi saltanat jergilikti ýaqyt boıynsha saǵat 18:00-de bastalyp, shamamen eki saǵatqa sozylady. Kórermen úshin stadıon esigi 13:30-da ashylady. Al 16:00-de resmı bólimniń aldynda arnaıy WARM-UP STAGE baǵdarlamasy bastalady.
Ashylý jáne jabylý saltanattarynyń bas rejısseri – ıÝkıhıko Tsýtsýmı. Ol balalyq shaǵyn Nagoıanyń Tıkýsa aýdanynda ótkizgen. Tsýtsýmı kıno, teledıdar jáne teatr rejısseri retinde tanymal. Onyń shyǵarmalarynyń qatarynda «TRICK», «SPEC» jáne «20th Century Boys» kınotrılogııasy bar.
Aıta keterligi, Nagoya City Mizuho Park Athletic Stadium stadıony Azııa jáne Azııa para oıyndary qarsańynda tolyqtaı jańǵyrtylyp, 2026 jyldyń kókteminde qaıta paıdalanýǵa berildi.
Trıbýna shamamen 30 myń kórermenge arnalǵan. Kórermenge arnalǵan barlyq turaqty oryndar shatyrdyń astynda ornalasqan. Budan bólek, múgedekter arbasyn paıdalanatyn adamdarǵa arnalǵan shamamen 300 oryn qarastyrylǵan.
Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).
Baıraqty básekede Qazaqstan ulttyq quramasynyń sapynan 558 sportshy baq synaıdy.
Osyǵan deıin habarlaǵanymyzdaı, 2026 jylǵy Azııa oıyndarynda Qazaqstannyń týy kóterildi.
