Búgin jáne erteń Astanadaǵy Bókeıhan-Kereı men Jánibek handar kósheleriniń qıylysy tolyq jabylady
ASTANA. KAZINFORM — Búgin jáne erteń Astana qalasyndaǵy Bókeıhan-Kereı men Jánibek handar kósheleriniń qıylysy tolyq jabylatyn boldy.
Elordalyq kólik jáne jol-kólik ınfraqurylymyn damytý basqarmasy qaladaǵy Kereı-Jánibek handar kóshesiniń jol tósemine jóndeý jumystary júrgiziletinin málimdedi.
«Osyǵan baılanysty 31 tamyz — 1 qyrkúıek aralyǵvnda Á.Bókeıhan-Kereı men Jánibek handar kósheleriniń qıylysy tolyǵymen jabylatyn bolady.
Sonymen qatar, 31 tamyz — 4 qyrkúıek aralyǵynda A. Bókeıhanov kóshesinen bastap Túrkistan kóshesine deıingi ýchaskede Kereı-Jánibek handar kóshesi ishinara jabylady. Bul rette avtokólik qozǵalysy bir jaǵymen eki baǵytta uıymdastyrylady», — delingen aqparatta.
Jaýapty basqarma elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraıdy.
«Ýaqytsha qolaısyzdyqtar úshin keshirim suraımyz jáne jol jóndeý jumystaryn júrgizýge túsinistikpen qarańyzdar», — deıdi jergilikti ákimdik ókilderi.
