Búgin úsh óńirde úsik júredi — Qazgıdromet

ASTANA. KAZINFORM — «Qazgıdromet» RMK 20 qazan kúngi aýa raıy boljamyn jarııalady.

Sınoptıkterdiń boljaýynsha, soltústik-batys tsıklony shyǵys baǵytynda jyljyp, eldiń batysynda jańbyr jaýady.

Elimizdiń soltústigi men shyǵysynda jaýyn-shashyn bolady. Sondaı-aq, ońtústik pen ońtústik-shyǵystaǵy taýly aımaqtarda túnde jańbyr sirkirep, qar ushqyndaıdy. Eldiń qalǵan aýmaǵynda antıtsıklonnyń áserinen jaýyn-shashynsyz aýa-raıy saqtalady.

Respýblıka boıynsha jel kúsheıip, soltústikti jáne ońtústik-shyǵystaǵy taýly aımaqtardy tuman basady. 

Túrkistan oblysynyń soltústiginde túnde, Qyzylorda jáne Almaty oblystarynyń taýly aýdandarynda 1-3 gradýs úsik bolady.

Mańǵystaý oblysynda, Atyraý oblysynyń soltústik-shyǵysynda, ońtústik-shyǵysynda, Aqtóbe oblysynyń ońtústiginde, shyǵysynda joǵary órt qaýpi kútiledi.

Jambyl oblysynyń ortalyǵynda, Qyzylorda oblysynyń soltústiginde, ortalyǵynda, Almaty oblysynyń batysynda da joǵary órt qaýpi boljanǵan.

Mundaı boljam Qostanaı jáne Aqmola oblystarynyń ońtústik-batysynda, Ulytaý oblysynyń shyǵysynda, ortalyǵynda jáne Abaı oblysynyń ońtústiginde de bar.

Qyzylorda, Túrkistan óńirleri men Atyraý oblysynyń soltústiginde, ońtústiginde, shyǵysynda tótenshe órt qaýpi saqtalady.

Jambyl oblysynyń batysynda, soltústiginde, batysynda, Aqtóbe oblysynyń soltústik-shyǵysynda, ortalyǵynda tótenshe órt qaýpi bar. 

Sondaı-aq mamandar Almaty oblysynyń soltústiginde, Qostanaı, Batys Qazaqstan oblystarynyń ońtústiginde, Ulytaý oblysynyń ońtústiginde tótenshe órt qaýpi baryn boljap otyr.

Aıta keteıik, búgin 5 qalada aýa sapasy tómendeıdi.