Búgin úsh oblysta úsik júredi - Qazgıdromet

ASTANA. KAZINFORM – «Qazgıdromet» RMK-sy mamyrdyń 29-y kúngi kún raıy boljamyn jarııalady.

Aýqymdy antıtsıklon Qazaqstannyń batys jáne ońtústik aýdandarynda yqpal etip, sonyń saldarynan kún jaýyn-shashynsyz, ashyq bolady.

Elimizdiń qalǵan terrıtorııasyna ali de tsıklon jáne onymen baılanysqan atmosferalyq aǵyndar áser etip, naızaǵaı oınap, jańbyr jaýady.

Almaty oblysynyń taýly aýdandarynda, túnde respýblıkanyń shyǵysynda jańbyr, qar jaýady. Respýblıka boıynsha jeldiń kúsheıip, soltústik, soltústik-batysta burshaq, batys, ońtústik-batysta shańdy daýyl turyp, shyǵysta túngi jáne tańerteńgi saǵattarda tuman túsedi.

Túnde Shyǵys Qazaqstan oblysynyń soltústigi men shyǵysynda, Abaı oblysynyń batysy, shyǵysy, ortalyǵynda, Aqtóbe oblysynyń soltústiginde topyraq betinde 2-3 gradýs aıaz úsik kútiledi.

Qostanaı oblysynyń ońtústiginde, Atyraý oblysynyń ońtústiginde, soltústiginde, Qyzylorda oblysyndyń shyǵysynda, Batys Qazaqstan oblysynyń batysy, ońtústik-batysy jáne ortalyǵynda, Jetisý oblysynyń shyǵysynda joǵary órt qaýipi saqtalady. Jambyl oblysynyń batysy men shyǵysynda joǵary órt qaýipi kútiledi.

Túrkistan oblysynyń shóldi aýdandarynda tótenshe órt qaýipi saqtalady, Batys Qazaqstan oblysynyń batysynda (Jánibek aýdanynyń batys bóliginde), Atyraý oblysynyń batysynda tótenshe órt qaýipi kútiledi.