Búgin úsh qalada jaısyz meteojaǵdaı qalyptasady

ASTANA. KAZINFORM – Qazaqstannyń úsh qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.

- 2025 jylǵy 22 naýryzda Aqtóbe, Almaty, Astana qalalarynda aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, Óskemen aspanyn tútin basyp turǵanyna 16 kún bolǵanyn jazǵan edik.