Búgin úsh qalada meteorologııalyq jaǵdaı jaısyz bolady

ASTANA. KAZINFORM — Búgin elimizdiń úsh qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.  

- 2025 jylǵy 18 maýsymda qolaısyz meteorologııalyq jaǵdaılar Óskemen, Almaty, túnde Astana qalalarynda kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazgıdromet sınoptıkteri 18 maýsymdaǵy aýa raıy boljamyn jarııalady.