Búgin úsh qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 12 qyrkúıekte Almaty, túnde Aqtóbe, Atyraý qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Qaraǵandyda 7 gektar jer órtenip, qalaǵa tútin jaıyldy.
Sondaı-aq oblysta ekologııalyq zań buzýshylyqtarǵa 57 mln teńgeden astam aıyppul salyndy. Óńirdegi stıhııalyq qoqys oryndaryn joıý jumystary jalǵasyp jatyr.
Buǵan deıin «Ortalyq Azııanyń Jasyl beldeýi» bastamasyn iske asyrý sheńberinde elimizdiń aýmaǵynda 1 mln gektardan astam jerde orman ekpelerin qurý josparlanyp otyr.
