Búgin úsh qalada aýa sapasy nasharlaıdy

ASTANA. KAZINFORM — Búgin elimizdiń úsh qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.  

- 2025 jylǵy 17 maýsymda Óskemen, Almaty, túnde Astana qalalarynda qolaısyz meteorologııalyq jaǵdaılar kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Qazgıdromet 17 maýsymdaǵy aýa raıy boljamyn jarııalap, eskertý jasady.