Búgin úsh qalada aýa sapasy nasharlaıdy

«Qazgıdromet» RMK 7 jeltoqsan kúni Qazaqstan qalalarynda qalyptasatyn meteorologııalyq ahýalǵa boljamyn usyndy, dep habarlaıdy Kazinform.

Sınoptıkter málimetine súıensek, beısenbide aýanyń lastanýynyń qolaısyz meteorologııalyq jaǵdaıy Almaty, Shymkent jáne Aqtóbe qalalarynda kútiledi.

Ózge shaharlarda aýa sapasy norma sheginde bolady.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.