Búgin Úkimet basshysy Oljas Bektenov Ózbekstanǵa barady

TAShKENT. KAZINFORM – Tashkent halyqaralyq ınvestıtsııalyq forýmyna qatysý úshin Premer-Mınıstr Oljas Bektenov búgin Ózbekstan astanasyna saparmen keledi, dep habarlaıdy Kazinform agenttiginiń menshikti tilshisi.

Bul týraly Ózbekstan prezıdentiniń baspasóz hatshysy Sherzod Asadov málim etti.

— Búgin el astanasynda Tashkent halyqaralyq ınvestıtsııalyq forýmy ótedi. Іs-sharaǵa 3 myńnan asa sheteldik mártebeli meıman qatysady. Olardyń qatarynda Bolgarııa prezıdenti Rýmen Radev, Slovakııa premer-mınıstri Robert Fıtso, Qazaqstan Úkimetiniń basshysy Oljas Bektenov bar, — dedi Sherzod Asadov.

Sonymen qatar aýqymdy is-sharǵa ózge de Ortalyq Azııa elderiniń premer-mınıstrleri, ınvestorlar jáne halyqaralyq qarjy uıymdarynyń basshylary qatysady. Forýmǵa Ózbekstan prezıdenti Shavkat Mırzıeev tóraǵalyq etedi.

— Forýmda memleket basshysy qazirgi jahandyq syn-qaterlerdiń álemdik ekonomıkaǵa áserin eskere otyryp, yntymaqtastyqtyń negizgi baǵytyn aıqyndaıtyn bastamalar kóteredi, — dep málim etti Sherzod Asadov.

Eske salaıyq, bıyl Ortalyq Azııa men Eýropa Odaǵynyń Ekonomıkalyq forýmy Ózbekstanda ótedi.