Búgin UEFA Eýropa lıgasynyń pleı-off kezeńi bastalady

ASTANA. KAZINFORM - Búgin UEFA Eýropa lıgasy pleı-off kezeńiniń alǵashqy oıyndary ótedi.

Jarystyń atalǵan satysynda barlyǵy on alty komanda synǵa túsedi. Olardyń qatarynda «Nottıngem Forest» (Anglııa), «Bolonıa» (Italııa), «Selta» (Ispanııa), «Shtýtgart» (Germanııa) komandalary bar.

On alty komanda segiz jup boıynsha ózara myqtyny anyqtaıdy. Jeńimpaz komanda 1/8 fınalǵa joldama alady. 

19 aqpan

• «Dınamo Zagreb» (Horvatııa) - «Genk» (Belgııa)
• «Brann» (Norvegııa) - «Bolonıa» (Italııa)
• PAOK (Grekııa) - «Selta» (Ispanııa)
• «Fenerbahche» (Túrkııa) - «Nottıngem Forest» (Anglııa)
• «Lýdogorets» (Bolgarııa) - «Ferentsvarosh» (Vengrııa)
• «Seltık» (Shotlandııa) - «Shtýtgart» (Germanııa)
• «Lıll» (Frantsııa) - «Tsrvena Zvezda» (Serbııa)
• «Panatınaıkos» (Grekııa) - «Vıktorııa Plzen» (Chehııa)
• Qarymta oıyndar 26 aqpanǵa belgilengen.

Al negizgi kezeńde alǵashqy segizdikte bolǵan «Olımpık Lıon» (Frantsııa), «Aston Vılla» (Anglııa), «Mıdtıýllann» (Danııa), «Real Betıs» (Ispanııa), «Portý» (Portýgalııa), «Braga» (Portýgalııa), «Fraıbýrg» (Germanııa), «Roma» (Italııa) komandalary 1/8 fınalǵa birden joldama aldy. 

Fınal 20 mamyrda Túrkııanyń Ystambul qalasyndaǵy «Beshıktash» stadıonynda ótkiziledi. 

Eske salsaq, budan buryn UEFA Chempıondar lıgasy pleı-off kezeńiniń alǵashqy oıyndary ótti.