Búgin Túrkistanda fýtboldan Qazaqstan kýbogynyń fınaly ótedi

ASTANA. KAZINFORM — Búgin, 7 qarashada fýtboldan Qazaqstan kýbogy fınalynda «Qaısar» (Qyzylorda) — «Ordabasy» (Shymkent) komandalary kezdesedi.

Búgin Túrkistanda fýtboldan Qazaqstan kýbogynyń fınaly ótedi
Foto: Kazinform\JI

Bul oıyn Qazaqstan ýaqytymen 16:00–de bastalyp, «Qazsport» telearnasynan tikeleı efırde kórsetiledi.

Kezdesý barysynda bas tóreshi mindetin oraldyq Bolat Sárıev atqarsa, oǵan aqtóbelik ıÝrıı Tıhonıýk pen pavlodarlyq Dmıtrıı Belogradov kómektesedi. Qosalqy tóreshi mindeti óskemendik Aleksandr Zatýlaǵa júktelgen. VAR tóreshisi Saıat Qarabaev bolsa, AVAR tóreshisi mindetin tarazdyq Baǵdat Abdollaev atqarady. 

Qazirge deıin «Qaısar» 1998, 2019 jyldary Qazaqstan kýbogyna ıe bolsa, 1997 jyly fınalǵa deıin jetti.

Al «Ordabasy» 2011, 2022 jyldary kýbokty tóbesine kóterse, 2007, 2023 jyldary fınalda oıyn kórsetti.

Bıyl qyzylordalyq klýb Qazaqstan kýbogynda aldymen Jambyl oblysynyń «Talas» (Qarataý) klýbyn 2:0 esebimen jeńse, odan keıin almatylyq «Qaırat» (2:1), qostanaılyq «Tobyl» (1:1, penaltıden 5:3), astanalyq «Jeńis» (3:1, 2:3) klýbtaryn orta jolda qaldyrdy.

Fınalǵa deıin «Ordabasy» aldymen shymkenttik «Ońtústik akademııa» (4:2), aqtaýlyq «Kaspıı» (3:0), taldyqorǵandyq «Jetisý» (1:0), óskemendik «Altaı» (3:1, 2:1) klýbtaryn jeńdi. 

Qazaqstan kýbogy 1992 jyldan beri turaqty túrde ótkizilip keledi. Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) -10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) — 2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.

Aıta ketsek, «Ordabasy» bıyl óz tarıhynda ekinshi márte Qazaqstan chempıony ataǵyn jeńip aldy.