Búgin túnde tórt oblysta órt boldy
ASTANA. KAZINFORM – Qaraǵandynyń Kırpıchnaıa kóshesinde ornalasqan 4 qabatty ǵımarattyń ekinshi qabatyndaǵy túngi klýbtyń as úı bólmesinde aǵash qalqalar men jıhazdar jandy.
QR Tótenshe jaǵdaılar mınıstrligi baspasóz qyzmetiniń habarlaýynsha, órt sóndirýshiler kelgenge deıin túngi klýbtyń ákimshiligi adamdardy dalaǵa shyǵardy. Órt 80 sharshy metr alańda sóndirildi. Zardap shekkender joq, sebebi anyqtalýda.
Sondaı-aq Aqmola oblysynyń Astrahan aýdanynyń Astrahan aýylyndaǵy qonaq úılerdiń biriniń qazandyǵynyń shatyry jandy.
Órt 35 sharshy metr alańda sóndirildi. Zardap shekkender joq, sebebi anyqtalýda.
Al Qyzylordada janar-jaǵarmaı stantsııasynan órt shyqty. Salamatov kóshesinde istemeı turǵan janar-jaǵarmaı stantsııasynyń aýlasynda jalpy aýdany 289 sharshy metr bolatyn sharýashylyq qurylysy jáne mal azyǵy jandy.
Órt saldarynan AZS janar-jaǵarmaı operator bólmesiniń syrtqy qabyrǵasy zaqymdaldy. Órt tolyǵymen sóndirildi. Zardap shekkender joq. Órttiń shyǵý sebebi anyqtalýda.
Abaı oblysynda TJM qyzmetkerleri monshanyń órtenýine jol bermedi. Jarma aýdanynyń Shar qalasynda jeke turǵyn úı aýmaǵynda monsha shatyry jandy. Jedel jetken órt sóndirýshiler 4 sharshy metr alańdaǵy órtti sóndirdi. Zardap shekkender joq, sebebi anyqtalýda.
Osyǵan deıin Jetisý oblysynda jylytý maýsymy bastalǵaly 101 órt tirkelgeni týraly jazdyq.