Búgin túnde qutqarýshylar órt qaýpine baılanysty eki qalada 52 adamdy evakýatsııalady

ASTANA. KAZINFORM - Búgin Kókshetaý qalasy Saın kóshesinde jylý trassasynyń qaptamasy janyp, ot birinshi jáne ekinshi qabattaǵy páterlerdiń balkondaryna órshidi, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, TJM órt sóndirý bólimsheleri jedel túrde oqıǵa ornyna jetken.

Olar joǵarǵy qabat turǵyndaryna qaýip tónip turǵanyn baıqaǵan.

Órt sóndirýshiler dereý adamdardy evakýatsııalaýǵa kirisken.

Qutqarýshylardyń áreketiniń arqasynda tútindi kireberisten 12 adam, onyń ishinde 2 bala evakýatsııalandy. Órttiń kórshi páterlerge taralýyna jol bermeı, qysqa merzimde sóndirildi.

Sondaı-aq búgin túnde 112 qyzmetine Qosshy qalasynyń Jangeldın kóshesindegi kóppáterli turǵyn úılerdiń birinen tútin shyqqany týraly habarlama kelip túsken.

TJD ókilderi bes qabatty úıdiń ekinshi qabatyndaǵy páterde elektr qalqanynda elektr symdarynyń qysqa tuıyqtalǵanyn anyqtady.

Qaýipsizdik maqsatynda qutqarýshylar baspaldaq arqyly 40 adamdy evakýatsııalady.

Osyǵan deıin Aqtóbede taǵy da qoqys polıgony órtengen bolatyn.