Búgin túnde Qaraǵandy oblysynda órt bolyp, úsh bala evakýatsııalandy
ASTANA. KAZINFORM – Búgin túnde Qaraǵandy oblysynyń Saran qalasynda sharýashylyq qurylystan órt shyqty, dep habarlaıdy QR Tótenshe jaǵdaılar mınıstrliginiń baspasóz qyzmeti.
Baspasóz qyzmetiniń málimetterine qaraǵanda, qutqarýshylar órt kezinde 3 adamdy evakýatsııalap, órtenip jatqan jerden úsh gaz ballonyn shyǵardy. Órt Saran qalasy Tsımlıanskaıa kóshesi boıyndaǵy úı aýlasynda sharýashylyq qurylysynan shyqqan, sondaı-aq dýal janǵan.
Tótenshe jaǵdaılar mınıstrliginiń ókilderi úıden 3 balany evakýatsııalady.
«Órt aımaǵynan kólemi 27 lıtr bolatyn 3 gaz ballony shyǵaryldy. Jalyn 40 sharshy metr alańdy sharpyǵan, órt tolyq sóndirildi, zardap shekkender joq», - delingen habarlamada.
Keshe túnde Aqtaý qalasynyń 29A shaǵyn aýdanynda jaýapkershiligi shekteýli seriktesterdiń biriniń aýmaǵynda dánekerleý apparattaryn saqtaýǵa arnalǵan bir qabatty angar janǵanyn habarladyq.
