Búgin túnde eki oblysta órt bolyp, mal izdeýge shyqqan er adam joǵalyp ketken – TJM

ASTANA. KAZINFORM – Almaty oblysynyń Qarasaı aýdanynyń Kókózek aýylynda jıhaz tsehyna jabdyqtalǵan bir qabatty jeke turǵyn úıden órt shyqty, dep habarlaıdy QR Tótenshe jaǵdaılar mınıstrliginiń baspasóz qyzmeti

Tótenshe jaǵdaılar mınıstrliginiń kúshteri 416 sharshy metr alańdy sharpyǵan órtti sóndirdi. Zardap shekkender joq. Órttiń shyǵý sebebi anyqtalýda.

Sondaı-aq búgin túnde Jetisý oblysynyń Tekeli qalasynda jeke turǵyn úıdiń aýmaǵynda 21 sharshy metr alańda monsha men as úı janǵan. Órtti sóndirý barysynda TJM kúshteri 2 gaz ballonyn qaýipsiz jerge shyǵardy. Órt sóndirildi. Zardap shekkender joq. Órttiń sebebi anyqtalyp jatyr.

Al, Aqtóbe oblysynnad qutqarýshylary joǵalyp ketken er adamdy táýlik boıy izdedi. Baıǵanın aýdany, Mııaly aýyldyq okrýgine qarasty sharýa qojalyǵynyń jumysshysy mal izdeýge shyǵyp, habarsyz ketken.

Joǵalǵan 1961 jyly týǵan er azamat Mııaly aýdanynan 80 km jerde aman-esen tabyldy. Medıtsınalyq kómekke muqtaj bolmady.

Osyǵan deıin Tótenshe jaǵdaılar mınıstrligi tasqynmen kúreske qosymsha ushaq pen tikushaqtar satyp alǵaly jatqanyn jazdyq.