Búgin túnde Aqtaýda qoımadan órt shyqty
ASTANA. KAZINFORM - Aqtaý qalasynyń 29A shaǵyn aýdanynda jaýapkershiligi shekteýli seriktesterdiń biriniń aýmaǵynda dánekerleý apparattaryn saqtaýǵa arnalǵan bir qabatty angar jandy, dep habarlaıdy QR Tótenshe jaǵdaılar mınstrliginiń baspasóz qyzmeti.
Baspasóz qyzmetiniń málimetterine qaraǵanda, TJM kúshteri syıymdylyǵy 50 lıtr bolatyn 3 gaz ballonyn jane bir ottegi ballonyn qaýipsiz jerge shyǵardy. Órt 60 sharshy metr alańdy sharpyǵan.
Sondaı-aq tańerteń Qosshy qalasynda jeke turǵyn úılerdiń birinde úıge japsarlas salynǵan ot jaǵatyn bólmeden órt shyqty.
Órt sóndirýshilerdiń úılesimdi jáne kásibı saýatty áreketteriniń arqasynda órttiń turǵyn úıge taralýyna jol berilmedi. Órt sóndirildi. Qaıtys bolǵandar men zardap shekkender joq. Órttiń shyǵý sebebi anyqtalýda.
Osyǵan deıin Almatyda meıramhana órtengeni týraly jazǵan edik.
