Búgin tórt oblysta úsik júrýi múmkin - Qazgıdromet

ASTANA. KAZINFORM — «Qazgıdromet» RMK  el aýmaǵynda 14 sáýirde bolatyn qaýipti meteorologııalyq qubylystarǵa boljam jasady. 

Derekke qaraǵanda, atmosferalyq frontaldy bólikter Qazaqstannyń basym bóligine óz yqpalyn saqtap,  naızaǵaı oınap, jańbyr jaýady.

- Ońtústik-shyǵysta, túnde ortalyqta – qatty jańbyr, soltústikte – qatty jaýyn-shashyn (jańbyr, qar) túsedi. Respýblıkanyń ońtústik-batysynda ǵana jaýyn-shashynsyz aýa raıy boljanady, - delingen aqparatta.

QR boıynsha jeldiń kúsheıip, tuman bolady, ońtústik-shyǵysta, shyǵysta, soltústikte, ortalyqta - burshaq, ońtústik-shyǵysta daýyl kútiledi.

Kúndiz Jetisý oblysynyń Alakól aýdanynda 30 m/s jáne odan asa qatty jel turady.

Túnde Aqmola, Qostanaı, Soltústik Qazaqstan oblystarynyń batysynda, Aqtóbe oblysynyń soltústiginde 3 gradýs úsik kútiledi

Aıta keteıik, Qazaqstannyń birneshe óńirinde daýyldy eskertý jarııalandy.