Búgin tórt oblysta aýa temperatýrasy 35 gradýstan joǵary bolady - Qazgıdromet

ASTANA. KAZINFORM – «Qazgıdromet» RMK-sy tamyzdyń 12-si kúngi aún raıy boljamyn jarııalady.

Kásiporyn taratqan derekterge qaraǵanda, Qazaqstan aýmaǵynyń kóp bóliginde antıtsılon jotasynyń áserinen kún jaýyn-shashyndy bolady. Tek elimizdiń batys, soltústik-batys, soltústik bólikterinde ǵana atmosferalyq aǵyndardyń ótýimen baılanysty kún naızaǵaıly jáne jańbyrly bolady, burshaq jaýyp, daýyl turady. Respýblıka boıynsha jel kúsheıip, túnde jáne tańerteń soltústikte, ortalyqta tuman túsedi, kúndiz eldiń ońtústiginde shańdy daýyl turady.

Kúndiz Túrkistan oblysynda 40 gradýs, Almaty, Jambyl, Jetisý oblystarynda 35-39 gradýs ystyq bolady.

Kúndiz Almaty oblysynyń batysynda, soltústiginde, ortalyǵynda, Jetisý oblysynyń ońtústiginde qatty ystyq bolady.

Batys Qazaqstan obylsynda, Atyraý oblysynyń soltústiginde, batysynda, Aqtóbe oblysynyń batysynda, shyǵysynda, Qyzylorda oblysynyń soltústik jartysynda, Jambyl oblysynyń ońtústiginde, ortalyǵynda, Ulytaý oblysynyń ortalyǵynda, Jetisý oblysynyń soltústiginde, ortalyǵynda, Mańǵystaý oblysynyń ońtústik-batysynda, ortalyǵynda, Almaty oblysynyń ońtústiginde joǵary órt qaýpi kútiledi.

Túrkistan oblysynda, Mańǵystaý oblysynyń soltústik-batysynda, soltústiginde, shyǵysynda, ońtústiginde, Almaty oblysynyń batysynda, soltústiginde, shyǵysynda, Qyzylorda oblysynyń ońtústik bóliginde, Jambyl oblysynyń soltústiginde, batysynda, shyǵysynda, Atyraý oblysynyń ońtústiginde, shyǵysynda, Qostanaı, Aqtóbe, Qaraǵandy, Ulytaý, Abaı oblystarynyń ońtústiginde, Batys Qazaqstan oblysynyń batysynda tótenshe órt qaýpi kútiledi.

Osyǵan deıin Almatyda otshashýǵa tyıym salynyp, avtokólikter úshin aqyly aımaqtar engizilýi múmkin ekeni týraly jazdyq.