Búgin tórt qalada meteorologııalyq jaǵdaı qolaısyz bolady

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.  

- 2025 jylǵy 6 mamyrda aýanyń lastanýynyń qolaısyz meteorologııalyq jaǵdaıy Qaraǵandy, Temirtaý, Almaty, Astana qalasynda kútiledi , - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, sınoptıkterdiń boljamy boıynsha, mamyr aıynyń basynda jel kúsheıip, qar aralas jańbyr jaýady.