Búgin tórt qalada aýa sapasy tómendeıdi

ASTANA. KAZINFORM — Búgin Qazaqstannyń bes qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet».

— 2025 jyldyń 14 aqpanynda Atyraý, Aqtóbe, Aqtaý, Almaty qalalarynda aýanyń lastanýynyń qolaısyz meteorologııalyq jaǵdaıy kútilýde, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin sınoptıkter aýa raıyna baılanysty 17 oblys pen 3 megapolıstiń turǵyndaryna eskertti.