Búgin tórt qalada aýa lastanady — Qazgıdromet

ASTANA. KAZINFORM — «Qazgıdromet» RMK baspasóz qyzmeti 21 naýryzda aýa sapasy nasharlaıtyn qalalar tizimin jarııa etti.

— 2025 jylǵy 21 naýryzda Temirtaý, Aqtóbe, Shymkent, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Osydan buryn aýasy lastanǵan qalalar tizimi anyqtalǵanyn jazǵan edik.