Búgin «Tobyl» Konferentsııa lıgasynda alǵashqy oıynyn ótkizedi
ASTANA. KAZINFORM - Búgin qazaqstandyq «Tobyl» (Qostanaı) fýtboldan UEFA Konferentsııa lıgasynyń ekinshi irikteý kezeńinde Lıtvanyń «Panevejıs» klýbymen kezdesedi.
Kezdesý Qazaqstan ýaqytymen 20:30-da bastalyp, «Qazsport» telearnasynan tikeleı efırde kórsetiledi.
«Panevejıs» komandasy 2015 jyly qurylǵan. 2019 jyldan beri óz elinde joǵary A lıgasynda oıyn kórsetip keledi. 2023 jyly alǵash ret el chempıony ataǵyn jeńip aldy. Byltyr olar el kýbogynda jeńimpaz tuǵyrynan kórindi.
Bul oıynda bas tóreshi mindeti norvegııalyq Mohammad Aslamǵa júktelgen. Oǵan otandastary Alf Olav Rosslann men Edvard Helgerýd kómektesedi. Qosalqy tóreshi de sol eldiń ókili Marıýs Lın.
Lıtvalyq klýb eýrokýbok oıyndarynda birneshe márte baq synady. Ázirge negizgi kezeńge deıin jete alǵan joq. 2024/2025 jylǵy maýsymda aldymen Chempıondar lıgasynyń ekinshi kezeńinde qarsylasyna jol berip, odan keıin Eýropa lıgasy úshinshi kezeńinde synǵa túsýge múmkindik aldy. Degenmen bul kezeńde súrinip, jarysty Konferentsııa lıgasy pleı-off kezeńinde aıaqtaýǵa májbúr boldy.
Aldaǵy jyly qurylǵanyna alpys jyl tolatyn qostanaılyq «Tobyl» 2010, 2021 jyldary Qazaqstan chempıony atansa, 2007, 2023, 2025 jyldary Qazaqstan kýbogyn tóbesine kóterdi.
«Tobyl» komandasynyń tizimi
Qaqpashylar: №1 Sultan Býsýrmanov, №35 ıÝrıı Melıhov, №44 Danıl Ýstımenko;
Qorǵaýshylar: №3 Roman Asranqulov, №4 Nemanıa Tsavnıch (Chernogorııa), №5 Pap-Alıýn Ndıaıe (Frantsııa), №15 Marko Výkchevıch (Chernogorııa), №25 Antonıo Borshıch (Horvatııa), №72 Raıan Senhadjı (Frantsııa);
Jartylaı qorǵaýshylar: №6 Maksım Mıakısh (Belarýs), №7 Jaslan Jumashev, №8 Ashat Taǵybergen, №10 Islam Chesnokov, №13 Abdýlaı Sısse (Gana), №14 Amın Talal (Marokko), №17 Aleksandr Zýev, №19 Dáýren Jumat, №21 Naýryzbek Jagorov, №30 Lýıs Gerra (Venesýela), №34 Sultan Baqytkereev, №56 Emın Musaev, №57 Azamat Zınadın,
Shabýylshylar: №18 Ýrosh Mılovanovıch (Serbııa).
Bas bapker: Mıroslav Romaşenko.
Qazaqstandyq klýb úshinshi irikteý kezeńine shyqqan jaǵdaıda «Partızan» (Serbııa) - «ÝNA Shtrassen» (Lıýksembýrg) jubynyń jeńimpazymen oınaıdy. Birinshi kezdesý 6 tamyzda syrt alańda ótse, qarymta oıyn 13 tamyzǵa belgilengen.
Aıta ketsek, budan buryn qazaqstandyq «Qaırat» (Almaty) fýtboldan UEFA Chempıondar lıgasynyń ekinshi irikteý kezeńinde Kıprdiń «Omonııa» (Nıkosııa) klýbymen kezdesti.
