Búgin tek bir qalada aýa sapasy tómendeıdi

ASTANA. KAZINFORM — Astanada aýa sapasy nasharlaıdy, dep habarlaıdy «Qazgıdromet» RMK baspasóz qyzmeti. 

— 2025 jylǵy 3 mamyrda túnde Astana qalasynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin habarlanǵandaı, Qazgıdromet sınoptıkteri 3 mamyrda respýblıkanyń basym bóliginde naızaǵaı oınap, burshaq jaýatynyn, ekpini kúshti jel soǵatynyn jáne úsik júretinin boljady.