Búgin tek bir qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 2 qazanda túnde Atyraý qalasynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Eske sala keteıik, Almatyda 2040 jylǵa deıin ekologııaǵa áser etetin 276 kásiporyn qaladan shyǵarylady.
Al taza aýa jutýǵa zar bolǵan Shymkent turǵyndary tsement zaýytynyń jumysyna shaǵymdandy.
Sondaı-aq ekologııalyq talaptardy saqtamaǵan Atyraýdaǵy kompanııaǵa 1,4 mlrd teńge aıyppul salyndy.
