Búgin Taldyqorǵan men taǵy eki qalada aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 25 maýsymda qolaısyz meteorologııalyq jaǵdaılar Taldyqorǵan, al túnde Temirtaý men Aqtóbe qalalarynda boljanǵan, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, aldaǵy úsh kúnde el aýmaǵynda tsıklon áserinen aýa raıy turaqsyz bolady.
