Búgin — Sý sharýashylyǵy qyzmetkerleri kúni
ASTANA. KAZINFORM – 9 shilde kúni Qazaqstanda sý sharýashylyǵy qyzmetkerleriniń kásibı merekesi atalyp ótedi. Bul týraly vedomstvonyń baspasóz qyzmeti málim etti.
Sý resýrstary jáne ırrıgatsııa mınıstrligi qurylǵan sátten bastap sý salasy mamandarynyń mártebesin arttyrýǵa erekshe nazar aýdaryp keledi.
Máselen, «Tabıǵı monopolııalar týraly» zańǵa túzetýler ázirlenip, qabyldandy. Bul bıylǵy 1 qyrkúıekten bastap sý salasyndaǵy 25 myńnan astam qyzmetkerdiń eńbekaqysyn elektr jáne jylý energetıkasy salasynyń mamandary deńgeıine deıin kóterýge múmkindik beredi.
Sonymen qatar jaqyn arada «Qazsýshar» RMK-nyń maýsymdyq 435 qyzmetkeri turaqty jumyspen qamtamasyz etiledi.
— Sý salasy mamandarynyń biliktiligin arttyrýǵa erekshe kóńil bólinip keledi. Byltyr «Qazsýshar» RMK-nyń 500-den astam qyzmetkeri mamandandyrylǵan ortalyqtarda oqýdan ótti. Mınıstrlik bıyl bul kórsetkishti eki esege arttyrýdy kózdep otyr. Qytaılyq áriptestermen jasalǵan kelisimderge sáıkes, qazaqstandyq sý mamandary kórshiles elde biliktilik arttyrý kýrstarynan ótip jatyr. Qazirgi ýaqytta 60 adam oqýdan ótti. Jyl sońyna deıin Qytaıda taǵy 60 maman oqýdan ótedi. Barlyq shyǵyndy Qytaı tarapy óz moınyna aldy, — delingen habarlamada.
«Qazaqstan Respýblıkasynyń memlekettik nagradalary týraly» zańǵa tolyqtyrýlar engizildi. Endi sý sharýashylyǵyn damytýǵa eleýli úles qosqan mamandarǵa memlekettik nagrada — «Qazaqstannyń sý sharýashylyǵy salasynyń eńbek sińirgen qaıratkeri» ataǵy beriledi.
— Áriptesterimdi Sý sharýashylyǵy qyzmetkerleri kúnimen shyn júrekten quttyqtaımyn! Elimizdiń sý qaýipsizdigin qamtamasyz etý jolynda sińirip jatqan tabandy ári janqııar eńbekterińiz erekshe qurmet pen sheksiz alǵysqa laıyq. Sý sharýashylyǵy salasynyń bolashaǵy jumysshylardyń qajyrly eńbegimen qurylyp keledi. Eldi mekender, egistik alqaptary men ónerkásip nysandary tirshilik nárimen qamtamasyz etilip otyr. Osy merekede sizderge jáne jaqyndaryńyzǵa densaýlyq, tabys, molshylyq, jarqyn bolashaq jáne ashyq aspan tileımin!,— dedi Sý resýrstary jáne ırrıgatsııa mınıstri Nurjan Nurjigitov.
Aıta keteıik, Túrkistan oblysy Jetisaı aýdanynda sýarý sýyn paıdalaný erejesin buzǵan 65 derek anyqtalǵan edi.