Búgin soltústikte, shyǵysta jáne ortalyqta burqasyn bolýy yqtımal - Qazgıdromet

ASTANA. KAZINFORM – «Qazgıdromet» RMK-sy jeltoqsannyń 7-si kúngi kún raıy boljamyn jarııalady.

Kásiporyn taratqan derekterge qaraǵanda, búgin atmosferalyq frontaldy bólikterdiń ótýine oraı respýblıkanyń basym bóliginde kún qubylmaly bolady, qar jaýady, elimizdiń ońtústiginde, ońtústik-shyǵysynda jańbyr jáne qar jaýady. Tek Qazaqstannyń batysynda, ońtústik-batysynda joǵary atmosferalyq qysym aımaǵynyń áserinen kún jaýyn-shashynsyz bolady.

Respýblıka boıynsha tuman túsip, kóktaıǵaq bolady, jel kúsheıedi, soltústikte, shyǵysta jáne ortalyqta burqasyn bolýy yqtımal.

Osyǵan deıin elimizdiń 14 oblysynda aýa raıyna baılanysty eskertý jarııalanǵanyn jazdyq.