Búgin soltústikte nóser jańbyr jaýady, 9 óńirde — aptap ystyq

ASTANA. KAZINFORM — Qazgıdromet sınoptıkteri 17 maýsym, dúısenbige arnalǵan aýa raıy boljamyn jarııalady. 

Qazaqstan terrıtorııasynyń basym bóligi áli de atmosferalyq fronttardyń yqpalynda bolady.

Sondyqtan naızaǵaı jarqyldap, jańbyr jaýady, burshaq, daýyl soǵady.

Elimizdiń soltústiginde — nóser jańbyrmen qosa burshaq jaýady, qatty jel turady.

Tek elimizdiń ońtústik-batysynda, ońtústiginde jaýyn-shashyn jaýmaıdy. Respýblıka boıynsha jel kúsheıedi.

Kúndiz Batys Qazaqstan, Atyraý, Aqtóbe, Mańǵystaý, Qyzylorda, Qostanaı oblystarynda, Ulytaý men Atyraý oblysynyń ońtústiginde, Aqtóbe oblysynyń batysynda aptap ystyq saqtalady.

Ulytaý, Jambyl, Almaty, Batys Qazaqstan, Aqtóbe, Mańǵystaý, Aqmola, Jetisý, Abaı, Qaraǵandy, Qostanaı, Shyǵys Qazaqstan, Qyzylorda oblystarynda joǵary órt qaýpi bar.

Atyraý, Mańǵystaý, Túrkistan, Qyzylorda oblystarynda, Batys Qazaqstan oblysynyń batysynda, Aqtóbe oblysynyń batysynda, ońtústiginde, Jambyl oblysynyń batysynda, shyǵysynda, ońtústiginde, Almaty oblysynyń ortalyǵynda, Qostanaı, Qaraǵandy oblystarynyń ońtústiginde, Jetisý oblysynyń shyǵysynda, Abaı oblysynyń ońtústiginde, Ulytaý oblysynyń ortalyǵynda tótenshe órt qaýpi saqtalady.