Soltústik óńirlerde burshaq jaýýy múmkin - Qazgıdromet

ASTANA. KAZINFORM — «Qazgıdromet» RMK 22 qyrkúıekke arnalǵan aýa raıy boljamyn jarııalady.

— Antıtsıklon jotasy Qazaqstannyń shyǵysynda jaýyn-shashynsyz aýa raıyn qalyptastyrady. QR qalǵan aýmaqtarynda ońtústik tsıklon jáne onymen baılanysty atmosferalyq frontaldy bólikter naızaǵaı men jańbyr ákeledi, soltústik ónirlerde burshaq jaýýy yqtımal. Respýblıka boıynsha jeldiń kúsheıýi, ońtústikte — shańdy daýyl, soltústikte — daýyl, túngi jáne tańerteńgi ýaqytta — tuman kútiledi, — delingen habarlamada.

Túnde Abaı oblysynyń batysynda, Shyǵys Qazaqstan oblysynyń shyǵysynda 1 gradýs úsik kútiledi.

Batys Qazaqstan oblysynyń soltústiginde, Atyraý oblysynyń shyǵysynda, Mańǵystaý, Qostanaı oblystarynyń ońtústiginde joǵary órt qaýpi kútiledi.

Túrkistan, Qyzylorda oblystarynda, Atyraý oblysynyń ońtústiginde, shyǵysynda, Jambyl oblysynyń batysynda, soltústiginde, ortalyǵynda tótenshe órt qaýpi kútiledi.

Sondaı-aq Mańǵystaý oblysynyń soltústik-batysynda, ońtústik-shyǵysynda, Batys Qazaqstan oblysynyń batysynda, ońtústiginde, shyǵysynda da tótenshe órt qaýpi kútiledi.

Mundaı jaǵdaı Aqtóbe oblysynyń batysynda, soltústiginde, soltústik-shyǵysynda, ortalyǵynda, Almaty oblysynyń soltústiginde, ortalyǵynda kútiledi. 

Sonymen qatar Qaraǵandy, Ulytaý oblystarynyń ońtústiginde, Jetisý oblysynyń batysynda, shyǵysynda tótenshe órt qaýpi kútiledi.