Búgin elimizdiń 4 qalasynda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 9 maýsymda Óskemen, Semeı, Rıdder, Taldyqorǵan, Almaty qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda monshalarǵa qatysty ekologııalyq talaptar kúsheıtilmek.
Al Pavlodar oblysy Baıanaýyl aýdanyndaǵy Shóptikól aýylynyń turǵyndary uzaq jyldan beri kenishten saýlaǵan kók tútinniń arasynda ómir súrýge májbúr. Tozyǵy jetken eldi mekenniń áleýmettik jaǵdaıy da keri ketken.
