Búgin «Saryarqa» velotreginde iri jarystar bastalady

ASTANA. KAZINFORM — 26–31 shilde aralyǵynda elordadaǵy «Saryarqa» velotreginde respýblıkalyq deńgeıdegi birqatar iri velosport jarystary ótedi. Bul týraly Sport komıteti habarlady.

Atap aıtqanda, kelesi jarystar josparlanǵan:

• VI Jastar sporttyq oıyndary,

• 13–14 jastaǵy jasóspirim uldar men qyzdar arasyndaǵy Qazaqstan Respýblıkasynyń chempıonaty,

• Erler men áıelder arasyndaǵy omnıým baǵdarlamasyndaǵy QR Ulttyq chempıonaty.

Búgingi kúnge deıin jarystarǵa qatysýǵa elimizdiń ár óńirinen 236 sportshy jáne 15 komanda resmı túrde tirkelgen.

- «Saryarqa» velotregi aldaǵy kúnderi elimizdiń eń úzdik jas veloshabandozdarynyń jarys alańyna aınalady. Kórermender úshin jarystar ashyq ári tegin. Uıymdastyrýshylar sport súıer qaýymdy qyzyqty ári tartysty dodaǵa qatysýǵa shaqyrady, - delingen aqparatta.

Aıta keteıik, Almatynyń basty kósheleriniń birinde jańa velojol salynady.