Búgin respýblıka boıynsha jel kúsheıip, keıbir aımaqtarda tuman túsedi

«Qazgıdromet» RMK el aýmaǵynda 29 tamyzda bolatyn qaýipti meteorologııalyq qubylystarǵa boljam jasady.

Atmosferalyq frontaldy bólimder QR aýmaǵynyń basym bóliginde aýa raıynyń turaqsyz sıpatyn saqtaıdy: naızaǵaımen, burshaqpen, daýylmen jańbyr jaýady. Ońtústik-shyǵystyń taýly aımaqtarynda qatty jańbyr jaýady. Tek batysta, ońtústik-batysta, soltústik-batysta, respýblıkanyń ortalyǵynda antıtsıklon sileminiń áserinen jaýyn-shashynsyz aýa raıy kútiledi.

Respýblıka boıynsha jel kúsheıip, soltústikte, soltústik-batysta, eldiń ortalyǵynda túngi jáne tańerteńgi saǵattarda tuman túsedi.

«Abaı, Ulytaý oblystarda, Batys Qazaqstan oblysynyń batysynda, ortalyǵynda, Atyraý oblysynyń ortalyǵynda, ońtústik-shyǵysynda, Mańǵystaý oblysynyń soltústik-shyǵysynda, ortalyǵynda, Qyzylorda oblysynyń soltústik-batysynda, ortalyǵynda, Aqtóbe oblysynyń ońtústiginde, Almaty oblysynyń batysynda, soltústiginde, Shyǵys Qazaqstannyń batysynda, Qaraǵandy oblysynyń batysynda, shyǵysynda, Jetisý oblysynyń soltústik jartysynda joǵary órt qaýpi kútiledi», — dep jazady sınoptıkter.

Qyzylorda, Jambyl, Atyraý, Mańǵystaý oblystarynda, Túrkistan oblysynyń ońtústiginde, ortalyǵynda jáne shóldi aýdandarynda, Shyǵys Qazaqstan, Qaraǵandy oblystarynyń ońtústiginde jáne Ulytaý oblysynda, Batys Qazaqstan oblysynyń ońtústiginde, shyǵysynda, Abaı oblysynyń batysynda, soltústik-batysynda, ońtústiginde, ortalyǵynda tótenshe órt qaýpi saqtalady.