Búgin respýblıka aýmaǵyndaǵy orman qorynda 5 órt tirkeldi
ASTANA. KAZINFORM — 4 tamyzda elimizdiń memlekettik orman qory aýmaǵynda 5 orman órti tirkeldi. Bul týraly Ekologııa mınıstrligi málim etti.
Mınıstrliktiń málimetinshe, órt oshaqtary orman kúzetiniń jerústi patrýldeýi kezinde anyqtalyp, qajetti kúshter men quraldar jumyldyrylǵan.
Aqmola oblysy — 2 órt;
Batys Qazaqstan oblysy — 2 órt;
Qaraǵandy oblysy — 1 órt.
Qabyldanǵan jedel sharalardyń nátıjesinde az ýaqyt ishinde oqshaýlanyp, birqatar óńirlerdegi órt oshaqtary tolyq sóndirildi. Órt sóndirý jumystaryna «Kazavıaormanqorǵaý» RMQK qyzmetkerleri men orman mekemeleriniń tehnıkalary jáne qyzmetkerleri qatysty.
— Aptap ystyqtyń saqtalýy men naızaǵaıly fronttardyń turaqty saqtalatynyn eskertemiz jáne tabıǵat aıasynda demalýshylardy órt qaýipsizdik sharalaryn qatań saqtaýǵa shaqyramyz, — delingen vedomstvonyń habarlamasynda.
Aıta keteıik, Qyzylordada órt qaýipsizdigin saqtamaǵandarǵa 11,4 mln teńgeden astam aıyppul salyndy.
