Búgin Premer-lıgada «Jeńis» pen «Qaırat» kezdesedi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonaty 20-týrynda «Jeńis» pen «Qaırat» komandalary kezdesedi.

Bul oıyn elorda ýaqytymen 19:00-ge belgilengen. Oıyn Sport Plus Qazaqstan telearnasynan tikeleı efırde kórsetiledi.

Kezdesý eki komanda kelisimimen merziminen buryn ótkizilip otyr.

Qazir týrnır kestesinde «Qaırat» 20 upaımen kósh basynda tursa, «Jeńis» 5 upaımen onynshy orynda keledi.

Bul matchtan keıin segizinshi týr bastalady. Úsh oıyn 10 mamyrǵa belgilense, 11 mamyrǵa úsh kezdesý belgilengen.

10 mamyrda 15.00-de «Qyzyljar» (Petropavl) men «Ulytaý» (Jezqazǵan) jasyl alańǵa shyǵady. Osy kúni 18.00-de «Turan» (Túrkistan) men «Atyraý», 19.00-de «Astana» men «Tobyl» (Qostanaı) kezdesedi.

Sondaı-aq 11 mamyrda 15.00-de «Jetisý» (Taldyqorǵan) men «Oqjetpes» (Kókshetaý) oınasa, 17.00-de «Ordabasy» (Shymkent) men «Qaısar» (Qyzylorda), 19.00-de «Aqtóbe» men «Elimaı» (Semeı) sheberlik baıqasady.

Oıyndardy «Qazsport» jáne «Sport Plus Qazaqstan» telearnalary tikeleı efırde kórsetedi.

Eske salsaq, ótken týrda Qazaqstan Premer-lıgasy tarıhyndaǵy tuńǵysh áıel tóreshi Elvıra Nurmustafına mansabyn aıaqtady.