Búgin ońtústik óńirlerde úsik júredi

ASTANA. KAZINFORM — «Qazgıdromet» RMK 18 sáýir kúngi elimizdegi aýa raıy boljamyn jarııalady.

Qazaqstan aýmaǵynyń basym bóliginde keń aýqymdy antıtsıklonnyń áserinen jaýyn shashynsyz aýa raıy kútiledi. Elimizdiń batysynda, ońtústiginde, shyǵysynda, ońtústik-shyǵysynda atomferalyq frontaldy júıelerdiń ótýimen turaqsyz aýa raıy saqtalady.

Respýblıkanyń shyǵysynda qar, ońtústik, ońtústik-shyǵystyń taýly aýdandarynda jaýyn-shashyn, jańbyr jáne qar túrinde kútiledi. Respýblıka boıynsha tuman, shyǵysta, ortalyqta kóktaıǵaq, jeldiń kúsheıýi, batysta shańdy daýyl boljanǵan.

Kúndiz Soltústik Qazaqstan oblysynyń soltústiginde, shyǵysta, ońtústiginde 30 m/s jáne odan asa óte qatty jel kútiledi.

Túnde Jambyl oblysynyń soltústiginde, taý bókterinde, Túrkistan oblysynyń soltústiginde, taýly aýdandarynda, Almaty oblysynyń taý bókterinde, Qyzylorda jáne Jetisý oblystarynyń soltústiginde 1-3 gradýs úsik júredi.

Túrkistan oblysynyń batysynda, soltstiginde, Jambyl oblysynyń batysynda, ońtústik-shyǵysynda, Jetisý oblysynyń soltústiginde, ońtústiginde, shyǵysynda, Qaraǵandy jáne Abaı oblystarynyń ońtústiginde joǵary órt qaýipi boljanǵan.

Aıta keteıik, búgin tek bir qalanyń aýa sapasy tómendeıdi.