Qostanaı oblysynda 2°S deıin aıaz túsedi — Qazgıdromet
ASTANA. KAZINFORM — Qazgıdromet 12-13 qyrkúıekke analǵan aýa raıy boljamyn jarııalady. Búgin elimizdegi óńirlerdiń basym bóliginde daýyldy eskertý jarııalandy.
Sınoptıkterdiń boljamynsha, 11–12 qyrkúıekte shyǵysta, 11–13 qyrkúıekte Qazaqstannyń ortalyǵynda qatty jańbyr jaýady, soltústik pen shyǵysta burshaq pen daýyldy jel bolýy múmkin. Perıod sońynda Qazaqstannyń ońtústigi men ońtústik-shyǵysy Jońǵar tsıklonynyń yqpalynda bolyp, jańbyrmen qatar atalǵan óńirlerde aýa temperatýrasynyń qysqa merzimdi joǵarylaýy kútiledi.
Respýblıka boıynsha jel kúsheıedi, soltústik-batysta, soltústikte, shyǵysta, ortalyqta túngi jáne tańǵy ýaqytta – tuman túsedi. Eldiń ońtústiginde shańdy daýyl boljanady.
Al Qazaqstan boıynsha búgingi kúnge daýyldy eskertý jarııalandy.
Órt qaýpi Jetisý, Almaty, Shymkent, Mańǵystaý, Qostanaı, Túrkistan, Almaty, Qyzylorda, Jambyl, Aqtóbe, BQO, Atyraý, Qaraǵandy, Ulytaý jáne Aqmola oblystaryn qosa alǵanda, kóptegen óńirlerde saqtalady.
TJM málimeti boıynsha, túnde jáne tańerteń eldiń soltústik, shyǵys jáne ortalyq bólikterinde tuman tússe, soltústikte, shyǵysta, ońtústikte jáne batysta naızaǵaı, jańbyr, qar aralas jańbyr jaýady. Ekpini 23 m/s deıin qatty jel soǵady.
Qostanaı oblysynda 2°S deıin aıaz kútiledi.
Aldaǵy kúnderi respýblıkanyń ońtústik óńirlerinen basqa aýmaqtarynda kúzgi, salqyn ári jańbyrly aýa raıy kútiledi. Buǵan soltústik tsıklon men onymen baılanysty atmosferalyq frontaldy bólikter sebep bolady.
Kóptegen óńirlerde aýa temperatýrasynyń tómendeýi kútiledi:
-
Batysta túnde +5…+16°S, kúndiz +15…+25°S;
-
Soltústik-batysta túnde +1…+11°S, jerdiń betki qabatynda -2°S úsik, kúndiz +8…+20°S;
-
Soltústikte túnde +1…+7°S, jerdiń betki qabatynda -2°S úsik, kúndiz +8…+16°S;
-
Ortalyqta túnde +1…+10°S, topyraq betinde -2°S úsik, kúndiz +10…+20°S;
-
Shyǵysta túnde +1…+11°S, kúndiz +15…+23°S deıin jylynady;
-
Ońtústikte túnde +12…+20°S, kúndiz temperatýra +23…+33°S-ten +25…+35°S aralyǵynda aýytqıdy;
-
Ońtústik-shyǵysta túnde +12…+17°S, taýly aýdandarda +2…+7°S, kúndiz +24…+32°S; taýly aýdandarda túnde 0…+5°S, kúndiz +8…+15°S.