Búgin on qalada aýa sapasy nasharlaıdy

ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.

— 2025 jylǵy 26 qańtarda aýanyń lastanýynyń qolaısyz meteorologııalyq jaǵdaılary Almaty, Astana, Shymkent, Aqtóbe, Atyraý, Óskemen, Temirtaý, Balqash, Qaraǵandy, Qostanaı qalalarynda kútiledi, — delingen habarlamada. 

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.