Búgin – Malshylar kúni
ASTANA. KAZINFORM – Elimizde 2021 jyldan bastap maýsym aıynyń ekinshi jeksenbisinde Malshylar kúni atalyp ótiledi. Malshylar meıramy – sharýa adamdarynyń mereıin kóterýdi kózdeıtin, olardyń birligin nyǵaıtyp, Qazaqstandaǵy mal sharýashylyǵynyń damytýǵa baǵyttalǵan. Bul rette, elimizdiń mal sharýashylyǵynda qandaı oń ózgerister bar?
QR Aýyl sharýashylyǵy usynǵan málimetke súıensek, bıyl 4 aıda mal sharýashylyǵynyń jalpy ishki ónimi 792,3 mlrd teńge bolǵan. Bul – ótken jyldyń sáıkes kezeńimen salystyrǵanda kóp soma. Árıne, kórsetkishke mal basy sanynyń ósýi de áser etetini anyq.
Atap aıtsaq, bıyl tórt aıdyń ózinde iri qara 4,3%-ǵa, qoı 10%-ǵa, jylqy 5,5%-ǵa, túıe 9%-ǵa, qus 0,8%-ǵa ósken.
Qyzyqty derekterge súıensek, elimizde bıyl tórt aıda bir saýyn sıyr ortasha eseppen 641 keli sút bergen eken. Bul kórsetkish aýyl sharýashylyǵy qurylymdarynda 676 kelige teń bolsa, jeke aýlada 623 keli bolyp otyr.
Al tórt aıda ár taýyq ortasha eseppen 77 jumyrtqa bergen kórinedi. Aýyl sharýashylyǵy qurylymdaryndaǵy kórsetkish 88 bolsa, jeke aýlada turǵyndar uıadan ortasha eseppen 43 jumyrtqa jınaǵan. Jalpy, jylyna otandyq taýyqtar ortasha eseppen 227 jumyrtqa beredi eken.
2024 jyldyń qańtar-sáýir aılarynda sharýashylyqtardyń barlyǵynda soıylǵan salmaqtaǵy barlyq túrdegi et óndirisiniń kólemi ótken jyldyń sáıkes kezeńimen salystyrǵanda 2,5%-ǵa ósip, 359,3 myń tonna bolǵan. Onyń ishinde jylqy etin óndirý kólemi 3%, túıe eti 15,4%, qus eti 9,9% artyp otyr.
Al sút óndirý kólemi 3,5%-ǵa ósip, 1432,2 myń tonna bolǵanyn atap ótken jón. Taýyq jumyrtqasyn óndirý ótken jyldyń sáıkes kezeńimen salystyrǵanda 0,7%-ǵa artyp, 1446,2 mln-ǵa jetken.
Bıyl 1 mamyrdaǵy jaǵdaı boıynsha respýblıkaǵa shetelden 3277 bas sútti jáne sútti-etti mal tuqymy, 360 bas et baǵytyndaǵy mal ákelingen.
Eske salsaq, Malshylar kúnin kúntizbege engizý týraly Úkimet qaýlysy 2021 jyldyń 14 shildesinde jarııalanǵan bolatyn.
