Búgin Londonda Ýımbldon týrnıri bastalady

ASTANA. KAZINFORM – Búgin Ulybrıtanııa astanasy London qalasynda tennısten Ýımbldon týrnıriniń alǵashqy oıyndary ótedi.

Qazaqstandyqtardan birinshi bolyp álemniń 33-raketkasy ıÝlııa Pýtıntseva oınaıdy.

ıÝ.Pýtıntseva ótken jyly álemniń sol kezdegi 1-raketkasy, Polsha ókili Iga Shventekti utyp, sporttyq jolynda alǵash ret tórtinshi aınalymǵa deıin jetken edi.

Qazaqstandyq tennısshiniń bıylǵy qarsylasy – álemniń 12-raketkasy, amerıkalyq Amanda Anısımova.

Qazaqstannyń birinshi, álemniń 11-raketkasy Elena Rybakına erteń alǵashqy aınalymda reıtıngide 49-oryndaǵy armenııalyq Elına Avanesıanmen sheberlik baıqasady.

E.Rybakınanyń «Úlken dýlyǵa» jarystaryndaǵy eń úlken tabysy osy Ýımbldonmen baılanysty ekendigi belgili. Ol 2022 jyly chempıon atansa, ótken jyly jartylaı fınalda chehııalyq Barbora Kreıchıkovaǵa jol berdi. Keıin B.Kreıchıkova jeńimpaz atandy.

Qazaqstandyq erler jarys jolyna 1 shilde kúni qosylady. Qazaqstannyń birinshi raketkasy Aleksandr Býblık ıspanııalyq Haıme Mýnıarmen, Aleksandr Shevchenko amerıkalyq Reıllı Opelkamen, Beıbit Juqaev ıtalııalyq Flavıo Kobollımen kortqa shyǵady.

Ótken jyly Londonda A.Býblık úshinshi, A.Shevchenko birinshi aınalymnan asa almaǵan edi. Al B.Juqaev Ýımbldonda negizgi jarysta alǵash ret óner kórsetpek.

Qazaqstannyń juptyq syndaǵy birinshi, álemniń 8-raketkasy Anna Danılına Ýımbldonda chehııalyq Marı Boýzkovamen birge baq synaıdy. Osynyń aldynda qazaqstandyq tennısshi M.Boýzkovamen juptasyp, Istbýrnda úzdik shyqqan edi.

Sondaı-aq ıÝ.Pýtıntseva juptyq synda amerıkalyq Pıton Stırnspen, A.Býblık F.Kobollımen birge básekege túsedi. Basqa qazaqstandyq tennısshiler juptyq syndaǵy dodaǵa qatyspaıdy.

Eske sala keteıik, budan buryn Anna Danılınanyń Ulybrıtanııadaǵy týrnırde top jarǵanyn jazǵan edik.

Sondaı-aq Jibek Qulambaeva Serbııadaǵy tennıs týrnırinde úzdik shyqty.

Anna Danılına álemdik reıtıngide 8-orynǵa kóterildi.