Búgin kún raıy qandaı bolady

ASTANA. KAZINFORM – «Qazgıdromet» RMK sınoptıkteri 19 shildege arnalǵan aýa raıy boljamyn jarııalady.

Atmosferalyq frontaldy bólikterdiń ótýine baılanysty respýblıkanyń basym bóliginde turaqsyz aýa raıy saqtalady. Jańbyr jaýyp, naızaǵaı oınap, burshaq jaýýy jáne jel kúsheıýi múmkin. Soltústik pen ortalyq óńirlerde nóser jańbyr jaýýy yqtımal. Al batys pen ońtústikte antıtsıklon yqpalymen jaýyn-shashynsyz aýa raıy saqtalady. El boıynsha jeldiń kúsheıýi kútiledi.

Qatty ystyq bolatyn óńirler:

35-39°C: Atyraý, Almaty, Batys Qazaqstan, Shyǵys Qazaqstan oblystary, Abaı jáne Jetisý oblystary, Qaraǵandy oblysynyń ońtústigi.

40-43°C: Qyzylorda, Túrkistan oblystary.

38-42°C: Jambyl, Mańǵystaý oblystary.

40-42°C (óte qatty ystyq): Almaty oblysynyń batysy, soltústigi men ortalyǵy, Jetisý oblysynyń shyǵysy men ortalyǵy, Shyǵys Qazaqstan jáne Abaı oblystarynyń ońtústigi.

43°C (óte qatty ystyq): Mańǵystaý oblysynyń ońtústigi.

Joǵary órt qaýpi bar aımaqtar:

Batys Qazaqstan, Atyraý (soltústik), Abaı (soltústik-batys, ortalyq), Qostanaı (ońtústik-shyǵys), Aqtóbe (soltústik-batys, soltústik-shyǵys), Qaraǵandy (ortalyq, soltústik, shyǵys), Ulytaý (soltústik), Aqmola (batys, soltústik, ońtústik), Soltústik Qazaqstan (ońtústik), Pavlodar (ońtústik, shyǵys), Shyǵys Qazaqstan (ońtústik, shyǵys) oblystary.

Tótenshe órt qaýpi bar óńirler:

Mańǵystaý, Qyzylorda, Túrkistan, Almaty, Jetisý oblystary, Jambyl oblysynyń batysy, ońtústigi men shyǵysy, Atyraý oblysynyń shyǵysy men ońtústigi, Qaraǵandy oblysynyń batysy men ońtústigi, Ulytaý oblysynyń ońtústigi, shyǵysy men ortalyǵy, Aqtóbe oblysynyń ortalyǵy men ońtústigi, Qostanaı oblysynyń ońtústik-batysy, Batys Qazaqstan oblysynyń batysy, Abaı oblysynyń ońtústigi.