Búgin kúlli musylman úshin ulyq sanalatyn Qurban aıt merekesi bastaldy

ASTANA. KAZINFORM – Búgin kúlli musylman úshin ulyq sanalatyn Qurban aıt merekesi bastaldy.

«Islam dininde qasıetti kúnder, túnder aı fazasynyń ózgerýine qaraı esepteledi. 7 maýsymda hıjrı jyl sanaýy boıynsha zýl-hıjja aıy bastaldy. ıAǵnı Arapa kúni bıyl 15 maýsymǵa sáıkes keledi. 16 maýsym – Qurban aıt merekesiniń birinshi kúni», - dep túsindirdi Qazaqstan musylmandary dinı basqarmasy.

Mereke kezinde Qurban aıt namazy oqylady, ár óńirde namaz oqýdyń bekitilgen ýaqyty bar.

Atalǵan merekege tán mindet – Qurban shalý. Qurbandyqqa mal shalyp, muqtaj jandarǵa taratý, az da bolsa sadaqa berip, qaraýsyz qalǵan qarttarǵa, jetimder men kópbalaly otbasylarǵa kóńil bólý – saýapty is. Sondaı-aq, musylmandar qulshylyq etip, kóbirek jaqsy amaldar jasaýǵa tyrysqany jón.

Aıta keteıik, Qurban shalý rásimin qashyqtan ótkizýge arnalǵan qurban2024.kz saıty iske qosyldy.