Búgin Qyzylorda qalasyna jylý berile bastaıdy
QYZYLORDA. KAZINFORM – Qyzylorda jylý elektr ortalyǵy búgin Qyzylorda qalasynyń kópqabatty úılerine jylý beriletinin málimdedi.
- Qyzylorda qalasy ákiminiń 2026 jylǵy 1 qazandaǵy №33 sheshimine sáıkes 2026-2027 jyldardaǵy jylytý maýsymy aıasynda 5 qazanda jylý maýsymy bastalady, - delingen habarlamada.
Oblystyq energetıka jáne turǵyn úı-kommýnaldyq sharýashylyq basqarmasy oblys aýmaǵyna jylý berý maýsymy endi bastalatynyn atap ótti. Bıyl óńirdi jylýmen qamtý nysandaryn jańǵyrtýǵa 5,5 mlrd teńge qarjy bólindi. Bul qarajat 8,7 shaqyrym jylý jelisin jańǵyrtýdy aıaqtaýǵa, №1 jáne №2 gaztýrbınalyq qondyrǵylardy kúrdeli jóndeýge, 1,3 shaqyrym jylý jelisin jańǵyrtýǵa, 1 qazandyq pen 1 týrbınany, sondaı-aq 10 avtonomdy qazandyqty jáne negizgi ári qosalqy qondyrǵylardy jóndeýge baǵyttalǵan.
Eske salaıyq, Qyzylorda oblysynda 2025-2026 jylǵy jylý berý maýsymy 4 sáýirde kezeń-kezeńimen aıaqtaldy. Sol ýaqytta 1079 áleýmettik nysan men ortalyq jylýǵa qosylǵan 909 qópqabatty turǵyn úı úzdiksiz jylýmen qamtamasyz etildi.
