Búgin Qazaqstannyń ortalyǵy men ońtústiginen ózge óńirlerde naızaǵaı oınap, jańbyr jaýady

ASTANA. KAZINFORM – «Qazgıdromet» RMK-sy tamyzdyń 3-i kúngi kún raıy boljamyn jarııalady.

Kásiporyn taratqan derekterge qaraǵanda atmosferalyq frontaldy bólikter Qazaqstannyń basym bóliginde kúnniń qubylyp turýyna yqpal etedi. Sonyń saldarynan naızaǵaı oınap, jańbyr jaýady. Tek ońtústikte, eldiń ortalyǵynda kún jaýyn-shashynsyz bolady. Respýblıka boıynsha jel kúsheıip, burshaq jaýady, soltústik, shyǵys oblystarda, QR ońtústik-batysynda, soltústiginde túnde jáne tańda tuman túsedi.

Kúndiz Almaty, Atyraý, Mańǵystaý, Shyǵys Qazaqstan, Jambyl, Jetisý, Abaı oblystarynda, Qaraǵandy oblysynyń ońtústiginde qatty ystyq bolady.

Almaty, Qaraǵandy, Jetisý, Abaı oblystarynda, Aqtóbe oblysynyń shyǵysynda, ońtústiginde, ortalyǵynda, Atyraý oblysynyń soltústiginde, Shyǵys Qazaqstan oblysynyńsoltústiginde, ortalyǵynda, Ulytaý oblysynyń basym bóliginde, Pavlodar oblysynda, Aqmola oblysynyń ońtústiginde joǵary órt qaýpi saqtalady.

Mańǵystaý, Qyzylorda, Túrkistan, Atyraý oblysynyń ońtústiginde, Qostanaı, Aqtóbe oblystarynyń ońtústiginde, Almaty oblysynyń batysynda, ortalyǵynda, Ulytaý oblysynyń batysynda, Jetisý oblsynyń soltústiginde, ortalyǵynda, Jambyl oblysynyń basym bóliginde, Abaı oblysynyń ońtústiginde, ortalyǵynda tótenshe órt qaýpi saqtalady.